ABŞ Prezidenti Donald Tramp kürdlərin İrana qarşı əməliyyatda iştirak etməsini istəmədiyini bildirib.

Kainat.tv Publika.az-a istinadən xəbər verir ki, O, bu barədə jurnalistlərlə ünsiyyəti zamanı məlumat verib.

"Müharibə kürdləri cəlb etmədən də kifayət qədər mürəkkəbdir", - deyə qeyd edib.

ABŞ rəhbərinin sözlərinə görə, kürdlərin özlərinin nümayiş etdirdiyi hazırlığa baxmayaraq, Amerika tərəfi belə bir addımın əleyhinədir. Tramp vurğulayıb ki, Vaşinqton münaqişənin eskalasiyasının qarşısını almaq üçün onların quru döyüşlərinə cəlb olunmasında maraqlı deyil. O, öz mövqeyini həmçinin kürd iştirakçılar arasında mümkün itkilərin və yaralanmaların qarşısını almaq istəyi ilə əsaslandırıb.

Martın 4-də İsrailin "i24" telekanalı minlərlə kürd döyüşçüsünün İrana qarşı quru məməliyyatına başladığı barədə məlumat yayıb. Demək olar ki, dərhal sonra Amerikanın "Fox News" kanalı bu məlumatı təsdiqləsə də, ardınca çoxsaylı kürd rəsmiləri tərəfindən təkziblər səsləndirilib.