Müstəqil Azərbaycanımızın tarixinə qızıl hərflərlə yazılmış 44 günlük Vətən Müharibəsində qəhrəmanlıq göstərərək canlarını VƏTƏN, TORPAĞ uğrunda fəda edən ÖLMƏZ şəhidlərimizin ailələrinə, bizə BÖYÜK ZƏFƏRi yaşadan qazilərimizə Azərişıq ASC-nin bütün Regional İdarələrində yüksək həssaslıqla yanaşılır, onlara xüsusi diqqət və qayğı göstərilir.

Kainat.tv xəbər verir ki, Azərişıq ASC-nin Cənub Regional İdarəsinin kollektivi fəaliyyətə başladığı ilk gündən rayonun qəsəbə və kəndlərində şəhid məzarlarını ziyarət edib, şəhid ailələrinə öz evlərində baş çəkərək, onların qayğıları ilə daima maraqlanıb.

Regional İdarənin rəisi, əməkdaşlar ilə birlikdə Azərişıq ASC-də çalışmış ŞƏHİD Həbibi Şəhriyar Vidadi oğlunun məzarını ziyarət edib, məzarının üzərinə əziz xatirəsinə ehtiram əlaməti olaraq gül dəstələri düzülüb və ŞƏHİDin ruhuna dualar oxunub.

Azərişıq ASC-nin Cənub Regional İdarəsinin kollektivi şəhid ailələrini öz evlərində ziyarət edib, onlara baş sağlığı verərək 44 günlük Vətən müharibəsində şəhidlərin şərəfli amal naminə bu zirvəyə ucaldıqlarını və buna görə də Azərbaycan xalqının onlara daim minnətdar olduğunu bildiriblər.

Əkbər Sadiyev