Donald Trampın milli təhlükəsizlik üzrə müşaviri Mayk Uolts bildirib ki, Ukrayna Prezidenti Volodimir Zelenski müharibəni dayandırmaq üçün Tramp administrasiyası ilə əməkdaşlığa hazır olduğunu ifadə edib.

Kainat.tv xəbər verir ki, Uolts münaqişənin həlli üçün üç əsas aspekti vurğulayıb: danışıqlarda iştirak edəcək tərəflər, onların masaya gətirilməsi prosesi və razılaşmanın çərçivələri.

“Birincisi, danışıqlar masasına kimləri dəvət edəcəyik? İkincisi, onları necə masaya gətirəcəyik? Üçüncüsü, razılaşmanın çərçivələri nə olacaq?” - deyə o qeyd edib.

Bununla yanaşı, müşavir Ukraynadakı müharibənin bir "qırğın maşını" olduğunu və potensial olaraq Üçüncü Dünya müharibəsini təhrik edə biləcəyini xəbərdar edib. //Musavat.com