İctimaiyyət arasında “Aeroport gömrüyü” kimi tanınan Hava Nəqliyyatında Baş Gömrük İdarəsi ilə bağlı vaxtaşırı irad və tənqid səsləndirilir. Həmin iradlarda Azərbaycan gələn sərnişinlərin gömrük postundan keçərkən lazımsız yerə yoxlamalara məruz qaldığı bildirilir. Ölkəyə gələrkən xarici ölkələrin hava limanlarındakı “Duty Free”dən alınan müxtəlif mallar müsadirə edilir. Bəzən iki blok siqaret, yaxud bir ətir belə gömrük işçilərinin gözündə həddən artıq böyük görünür və bəzən sərnişinlər saatlarla orada saxlanılır.

Hətta dəfələrlə şahidi olmuşuq ki, mübahisələr iddi səs-küyə də səbəb olub.
Aeroport gömrüyünün əməkdaşlraı xaricdən gətirilən aksesuarlara, içki və tütün məhsullarına qarşı sərt tədbirlər görürlər. Bu da sərnişinlərin və ölkəyə gələn ayrı-ayrı şəxslərin haqlı iradına səbəb olur.

Onu da vurğulayaq ki, idarənin əməkdaşlarının sərnişinlərlə, vətəndaşlarla kobud rəftarı da vaxtaşırı gündəmə gələn məsələlərdən biridir.

Reaksiya TV-nin aparıcısı Zaur Qəriboğlu son verilişlərindən birində Hava Nəqliyyatında Baş Gömrük İdarəsi əməkdaşlarının rəftarı ilə bağlı şahid olduğu hadisə barədə danışıb. Məsələ ilə bağlı o, Dövlət Gömrük Komitəsinin sədri Şahin Bağırova müraciət edib.


Kainat.tv