«Təzadlar»ın Araşdırma Qrupu daxil olan bu və ya digər məlumat, yaxud şikayətləri təhlil edərək araşdırmalara başlayıb… bəri başdan bildiririk ki, bəzi sənəd və məlumatları dəqiqləşdirmək üçün bir daha aidiyyəti rəsmi qurumlara media sorğusu formasında göndərmişik, bəzilərinə isə artıq rəsmi cavab da almışıq. Amma təəssüflənirik ki, ən azından, Qağaməli Seyfullayev ədalət və haqq deyilən o müqəddəsləri bir kənara atıb, öz bildiyini etməkdədir. Bircə faktı deyək ki, uzun illər bu trestdə can qoymuş, yetişmiş, öəyrənmiş, peşəkarlaşmışları bir kənara atıb özünə yaxın qohum-əqraba, dost adamları, yaxud dostlarının adamlarını necə məsul və yüksək maaşlı işlərə götürüb əmr verə bilir?

Araşdırmalarımıza rəsmi sənədlər, əmrlər, dəqiq məlumatlar daxildir. Baxırıq və bircə sual verməli oluruq: Ramiz Mehdiyevin də taleyindən dərs götürə bilmirsiniz??? Nə vaxta qədər ədalətsizlik ayaq açıb trest boyu addımlayacaq???

***

İndi gəlirik mətləbə: bəli, çoxsaylı işçilər işə qəbulla bağlı aparılan imtahanlardakı saxtakarlıqlardan baş ofisə şıkayətlər ünvanlayıblar. Amma hələki heç bir nəticəli tədbir görülməyib. Halbuki trestin müdiri Q.Seyfullayev yaxşı bilir ki, SOCAR-ın İnsan Resursları Departamentinin müdri, SOCAR-ın Vitse-Prezidendi Ziba xanım Mustafayeva bu ədalətsizliyi bilsə, bağışlamayacaq. Çünki trest rəhbərliyi ədalətsiz hərəkətlərini bəzi hallarda «Ziba xanım tapşırıb…» kimi süni bəhanələrlə ört-basdır etməyə çalışır. Və Z.Mustafayevanın adından çox istifadə edilir…

Odur ki, çox hörmətli Z.Mustafayevanın barəsində ədalətli məmur xanım imicini eşidib-bildiyimizə görə, ilk növbədə istərdik ki, Z.Mustafayeva bu faktları bilsin və tədbir görülməsinə çalışılsın: məsələ ondadır ki, «Nefqazintikinti» trestinin müdiri Qağaməli Seyfullayev təkcə öz yaxın qohum-əqrabalarını deyil, həm də yeznələrini, kürəkənlərini, bu da bəs etməyib, hətta kürəkəninin qohumlarını da burada işlə təmin edib-illərdir dərəcəsini, işini, dəyişməyk istəyənlər dura-dura! Məsələn, bacısın həyat yoldaşı Nazim Sadatovu «Qaz İxrac İdarəsi»ndən özü ilə gəzdirib, kürəkən olduğundan onu tez bir zamanda vəzifəyə ucaldıb.

«Təzadlar»ın əldə etdiyi məlumatlardan bəlli olur ki, SOCAR-ın Baş ofisinə ünvalanan(göndərilən) şikayətlərdə Q.Seyfullayevin sağ əli hesab olunan, trestin İnsan resursları şöbəsinin rəisi Aqşin Hüseynzadənin rəhbərliyi altında keçirilən bütün işə qəbul və yerdəyişmə prosedurları necə gəldi saxtalaşdırılıb və s. Məsələn, hələlik bircə faktı deyək ki, “lazımı” adamlara işə qəbul və ya yerdəyişmə keçirilən zaman verilən suallar və onların cavabları öncədən ötürülür… Nəticədə həmin şəxs video çəkiliş zamanı keçirilən imtahanda dil-dil ötür və bütün suallara cavab verir.

Başqa bir məlumatı da qeyd edək ki, saxtalaşdırılma prosesi SOCAR-ın Baş ofisin İnsan Resursları Departamentindəki hələki adını çəkmək istəmədiyimiz şəxsin əli ilə birgə həyata keçirilir. Bütün bu “qara” işlərin yerinə yetirilməsində isə A.Hüseyzadənin müavini Şahin Qürbətovun rolu böyükdür. Bütün trest və kənar təşkilatlar Ş.Qürbətovu çox yaxşı tanıyır. Kim yerdəyişmə, işə qəbul olunmaq istəyirsə, Qürbətovu axtarib tapır və…

***

Bu hələ harasıdır, trestdə yüzlərlə müvəqqəti layihələr üzrə işə götürülmüşlər var. Amma nədənsə Sahin Qürbətovun qardaşı Samir Qürbətov çalışdığı bir il ərzində müvəqqətidən daimiyə, sonra isə dənizə-diqqətdən uzaq bir yerə göndərilir. Gözdən pərdə asmaq və hesabat xatirinə aparılan bir video çəkilişlə imtahan təşkil olunur ki, nədənsə, imtahanı keçən adamlar onlarla öncədən tanış olan və bir-birini yaxşı tanıyan adamlar olur. Bunu sübut etmək üçün isə işə qəbul olunan şəxslərin kimlərlə zəngləşməsi və bu şəxsin isə öz növbəsində kiminlə əlaqə yaratmasını araşdırmaq kifayətdir (bir çoxunun bu əlaqələri redaksiyaya bəlli olub). Bu adları qeyd olunan şəxslərin, onların həyat yoldaşlarının, qohum-əqrabalarının adlarına olan əmlaklar, maşınlar araşdırılsa, hər şey aydın olar. Məsələn, A.Hüseynzadənin nə üçün formal surətdə həyat yoldaşından ayrılmağı şübhə doğuran məsələdir. Bunun səbəbini trestdə bilən yoxdur ki?! Bunu araşdırmaq isə hüquq mühafizə orqanlarının işidir. Bu və ya digər neqativlər o qədər çoxdur ki, bir yazı ilə sonlandırmaq mümkün deyil. Aylar lazımdır ki, bu neqativ hallar barədə yazıb çatdırasan. Məsələn, İRŞ üzrə rəis müavini yeri nədən bir il boş vakansiya kimi saxlanılıb və necə olur ki, SOCAR-a kənar təşkilatdan gəlmiş Murad Bəkizadənin iş stajı bir il tamam olan kimi vakansiya sayta çıxarılır. Dərhal “imtahan” təşkil olunur, M.Bəkizadə həmin yerə təyin olunur?

Bizcə, çox sadə sualdır, amma cavabını trest rəhbərliyindən və Baş Ofisdən istərdik. Bəlkə nəsə fərqli izah olacaq!

Başqa bir misal: necə olur ki, 18 il izolyasiyaçı kimi çalışan Hafiz Cəmilov peşə sınaq imtahanından keçə bilmir, amma 3 il gözətçi işləyən Yusif Abdullayev imtahandan «5» alır?! Hal-hazırda trestdə İnsan Resursları Departamenti yaradılıb. Lakin anlaşılmayan bir şey var ki, işçi sayı eynidir, ancaq rəislər və onların məvacibləri qəfildən artib. Əgər kimlərinsə imtiyazların, məvaciblərin artırmaq üçün departament yaradilibsa, bəs niyə Vitse-Prezident Ziba xanım Mustafayeva trestin müdiri Qağaməli Seyfullayevdən niyə də soruşmasın ki, bu qədər rəhbər işçiləri olan departamentdə bəs işi kim görəcək? Elə hamı müdirdir, rəhbərdir?!

Aidiyyəti rəsmi qurumdan isə araşdırmalarımıza belə bir izah aldıq ki, əslində, bu depatamentin yaradılması zamanı ştatlar və keçirilən müsabiqələr eyni ssenari üzrə yaradılb… Bu barədə ətraflı yazı maddi sübutlar ilə təqdim ediləcək.

Beləliklə, bu və ya digər məsələlərlə bağlı «Media haqqında» Qanunun tələblərinə uyğun olaraq bu siqnal xarakterli yazını münasibət bildirilməsi üçün iki gün əvvəl “Neftqaztikinti” Trestinin müdiri Q.Seyfullayevin elektron poçtuna göndərmişik. Təbii ki, «İnformasiya əldə etmək haqqında» Azərbaycan Respublikası Qanunun tələblərinə uyğun olaraq cavab verilməsini gözləyirdik. Cavab gəlmədi, bu gün təkrarən göndəririk…(Təzadlar)

Kainat.tv