"Azərsun Holdinq"ə məxsus "Al Market" mağazalar şəbəkəsində satışda olan "Çörəkçi" markalı çörəyin saxlanma müddətinin bitməsinə baxmayaraq müştərilərə təklif edildiyi məlum olub.
Belə ki, çörəyin üzərində istehsala verilmə tarixi 05.07.2025 olaraq qeyd edilib. Etiketdə saxlanma müddətinin 72 saat (3 gün) olduğu göstərilsə də, bugünkü tarix – 07.07.2025-dir. Bu isə o deməkdir ki, məhsulun satışda qalma müddəti artıq bitib.
Məsələyə daha aydın sübut olaraq təqdim edilən fotoda çörəyin boyatlama əlamətləri də aydın görünür. Çörəyin içi solğun, elastikliyini itirmiş və quru haldadır. Qabıq hissəsi isə bərkimiş və qurumuşdur – bu da məhsulun təzə olmadığını açıq şəkildə göstərir.
Qeyd edək ki, "AL Market" mağazalar şəbəkəsinin rəhbəri Mühəmməd Zülfü Özçelikdir. O, bu vəzifəyə 2025-ci ilin fevral ayının sonunda təyin edilib. Nizamnamə kapitalı 42278621.54 AZN-dir
Ayaz.

Kainat.tv