Nəsimi Rayon Məhkəməsində narkotik vasitələrin qanunsuz saxlanmasında təqsirləndirilən tiktoker, "Roşka" ləqəbli Rövşən Süleymanovun barəsində seçilmiş həbs qətimkan tədbirinin müddətinin uzadılması ilə bağlı istintaq orqanının vəsatətinə baxılıb.
Kainat.tv-nin məlumatına görə, hakim Günay Abdinovanın sədrliyi ilə keçirilən prosesdə vəsatət təmin edilib və R.Süleymanovun həbs müddəti 2 ay uzadılıb.
Qeyd edək ki, tiktokerə qarşı Cinayət Məcəlləsinin 234.4.3-cü (qanunsuz olaraq narkotik vasitələri, psixotrop maddələri əldə etmə, saxlama, daşıma, göndərmə və ya satma) maddələri ilə ittiham irəli sürülüb.