Ermənistanın Dövlət Əmlakının İdarə Edilməsi Komitəsinin keçmiş sədri, Respublikaçılar Partiyasının üzvü Arman Saakyan saxlanılıb.

Kainat.tv Musavat.com-a istinadla xəbər verir ki, bu barədə Ermənistan İstintaq Komitəsinin nümayəndəsi Kima Avdalyan məlumat yayıb.

Saakyan və daha 7 nəfərin həbsi ilə bağlı məhkəməyə vəsatətlər verilib, təqsirləndirilən şəxslərə qarşı müxtəlif qabaqlayıcı tədbirlər tətbiq edilib. Saakyana qarşı inzibati nəzarət növündə həbs-qətimkan tədbiri seçilib.

Yerli İstintaq Komitəsinin məlumatına görə, 13 nəfər barəsində vəzifə səlahiyyətlərindən sui-istifadə etmə, xüsusilə külli miqdarda çirkli pulların yuyulması və vəzifəli şəxslərə yardım göstərmə maddələri ilə cinayət işi başlanıb.

Müstəntiqlərin məlumatına görə, 2012-2015-ci illərdə İrəvanda üç təhsil müəssisəsinin ərazilərinin dəqiqləşdirilməsi bəhanəsi ilə qanunsuz olaraq torpaq sahələri ayrılıb.