Ermənistanın Baş naziri Nikol Paşinyan Xarici İşlər Nazirliyinə nəyin bahasına olursa olsun, ABŞ-ın yeni seçilmiş prezidenti Donald Trampla ikitərəfli görüş imkanı əldə etməyi tapşırıb. 

Kainat.tv xəbər verir ki, bu barədə “Past” qəzeti məlumat yayıb.

Qəzet yazır ki, Paşinyan Trampla andiçmə mərasimindən əvvəl görüşmək və münasibətlərin dərinləşməsi üçün danışmaq istəyir. Tramp Fransa Prezidenti Emmanuel Makronla birlikdə Paris Notr-Dam kilsəsinin açılışında iştirak edəcək. Ermənistanın baş naziri bu mərasimi fürsət olaraq dəyərləndirməyə, ABŞ-ın yeni rəhbəri ilə burada bir araya gəlməyə çalışır.

Paşinyanın hazırkı Prezident Co Bayden administrasiyası ilə yaxın əlaqələrinin olduğu və seçkilərdə də İrəvan hökumətinin demokratları dəstəklədikləri bildirilir. İndi o, Trampla bir araya gəlməklə bir növ vəziyyəti qaydasına salmağa çalışır. Nəşrin məlumatına görə, baş nazir Ermənistanın taleyinin Moskva və Vaşinqtonda həll olunduğunu anlayır. 2026-cı ildə ölkədə keçiriləcək parlament seçkilərində qalib gəlmək üçün isə Tramp hökumətindən “siyasi dam” kimi istifadə etməyə çalışır. Çünki ölkə daxilində reytinqi kifayət qədər aşağıdır və seçilməyəcəyindən qorxur.