İran İslam İnqilabı Keşikçiləri Korpusunun dəniz qüvvələrinin komandanı admiral Əlirza Təngsirinin əmri ilə ölkənin cənubundakı dəniz və raket bölmələri “hər hansı düşmən hərəkətinə” cavab vermək üçün döyüş hazırlığı vəziyyətinə gətirilib.

Kainat.tv Axar.az-a istinadən xəbər verir ki, bu barədə İran mediası məlumat yayıb.

Bildirilib ki, ötən həftə ABŞ və İsrail hava qüvvələrinin birgə hərbi təlimləri İrana qarşı hərbi əməliyyatın qaçılmaz ola biləcəyini göstərir.

Qeyd olunur ki, ABŞ Mərkəzi Komandanlığının (CENTCOM) hesabatına əsasən, təlimlər zamanı İsrailin F-15 və F-35 qırıcıları Ərəbistan yarımadası üzərində Amerikanın B-52H Stratofortress strateji bombardmançıları ilə birgə təlimlər keçirib.

Xatırladaq ki, Tramp husilərin hücumlarına görə İranı ağır bədəl ödəyəcəyi ilə hədələyib.