2025-ci ilin fevral ayından etibarən Polşada genişmiqyaslı hərbi hazırlıqların bir hissəsi olaraq, 230 min nəfəri əhatə edəcək hərbi kvalifikasiya prosesi başlayır.

Kainat.tv xəbər verir ki, Polşa Müdafiə Nazirliyinin yeni qərarına əsasən, yalnız kişilər deyil, qadınlar da orduya çağırılacaq. Bu addım, Polşanın Rusiya ilə hər hansı potensial hərbi münaqişəyə hazırlaşdığı ilə bağlı ehtimalları gücləndirib.

Müdafiə Nazirliyinin qərarına əsasən, hərbi komissiyaya aşağıdakı kateqoriyalara daxil olan şəxslər çağırılacaq:
• 2006-cı il təvəllüdlü kişilər – hərbi xidmətə ilk dəfə cəlb olunanlar.
• 2001-2005-ci illər arasında doğulan, lakin hərbi xidmətə uyğunluq statusu müəyyənləşdirilməmiş kişilər.
• 1998-2006-cı illər arasında doğulmuş qadınlar – tibbi və hərbi sahədə təhsil və ya bacarıqlara malik olanlar.
Bu prosesin məqsədi, hərbi xidmətə uyğun olan şəxslərin sağlamlıq vəziyyətinin qiymətləndirilməsi, onların hansı növ hərbi xidmətə uyğun olduğunu müəyyənləşdirməkdir. Qeyd edək ki, qadınların da çağırılması ilk dəfədir bu qədər geniş miqyasda həyata keçirilir və Polşanın hərbi gücünü artırmaq məqsədini daşıyır.
Musavat.com xəbər verir ki, hərbi hazırlıq prosesi 3 fevraldan 30 aprelə qədər davam edəcək və müxtəlif mərhələləri əhatə edəcək. Bu müddətdə çağırışa gələnlər tibbi müayinələrdən keçəcək, onların fiziki və psixoloji durumları qiymətləndiriləcək, həmçinin hansı hərbi vəzifələrə uyğun olduqları müəyyənləşdiriləcək.
Hərbi xidmətə uyğun olduğu təsdiqlənən şəxslər aşağıdakı növ xidmətlərə cəlb olunacaq:
1. Peşəkar Hərbi Xidmət:
• 16 min nəfərin peşəkar hərbi xidmətə cəlb olunması planlaşdırılır.
2. Hərbi Təlimlər və Ehtiyat Qüvvələrin Çağırılması:
• 200 min nəfərin, xüsusilə ehtiyatda olan zabitlərin və əsgərlərin təlimlərə cəlb olunacağı bildirilir.
3. Aktiv Ehtiyat Xidməti:
• 30 min nəfərdən ibarət aktiv ehtiyat qüvvəsi yaradılacaq və bu şəxslər ildə təxminən 88 gün xidmət keçəcək.
4. Teryorial Müdafiə Xidməti:
• 44 min nəfərdən ibarət teryorial müdafiə qüvvələri formalaşdırılacaq.
5. Könüllü Əsas Hərbi Xidmət:
• 39,700 nəfərin könüllü olaraq hərbi xidmətə cəlb edilməsi planlaşdırılır. Bu şəxslər arasında qadınlar və əvvəllər hərbi xidmət keçməmiş şəxslər də olacaq.
Qadınların orduya çağırılması: yeni addım
Xüsusilə diqqət çəkən məqam, 1998-2006-cı il arasında doğulmuş qadınların da çağırışa məruz qalmasıdır. Tibbi, hərbi və digər strateji sahələrdə ixtisaslaşmış qadınlar potensial hərbi təhdidlərə qarşı hazır vəziyyətə gətirilir. Bu, Polşanın hərbi gücünü həm kişilər, həm də qadınlar hesabına artırmağa çalışdığını göstərir.
Fövqəladə vəziyyətə hazırlıq
Bəzi ekspertlər bu qərarı Polşanın Rusiya ilə mümkün müharibəyə hazırlaşması kimi qiymətləndirirlər. Polşa rəhbərliyi, xüsusilə Ukraynada davam edən müharibə fonunda öz hərbi potensialını maksimum səviyyəyə çatdırmağa çalışır. Həmçinin, bu addımların NATO-nun Şərqi Avropadakı müdafiə strategiyasına uyğun olduğu bildirilir.
Müşahidəçilər hesab edirlər ki, Polşanın bu qədər genişmiqyaslı hərbi hazırlıqları regionda potensial gərginliyin artacağından xəbər verir. Hökumət isə bütün bunları yalnız milli təhlükəsizliyin təmin olunması üçün atılan addım kimi təqdim edir.
Bu proses Polşanın hərbi qüdrətini artırmaq, regiondakı geosiyasi təhdidlərə qarşı hazırlıq vəziyyətini gücləndirmək məqsədi daşıyır. Eyni zamanda, qadınların cəlb olunması və aktiv ehtiyat qüvvələrin genişləndirilməsi bu tədbirlərin nə qədər ciddi olduğunu göstərir. Polşanın bu addımları Avropadakı hərbi balansın yenidən formalaşmasına təsir edə bilər.
YAZININ ORİJİNALI BURADA - https://expressbydgoski.pl/te-roczniki-dostana-wezwanie-do-wojska-kwalifikacja-rusza-juz-od-lutego-2025-10-01-2025-r/ar/c1p2-27146427
Musavat.com