Rusiya Müdafiə Nazirliyinin məlumatına görə, hava hücumundan müdafiə sistemləri 330 Ukrayna dronu məhv edib. Bəyanatda deyilir:

"Hava hücumundan müdafiə qüvvələri Bryansk, Kursk, Belqorod, Orel, Smolensk, Kaluqa, Tula, Tver, Vladimir vilayətləri, Krasnodar diyarı, Moskva vilayəti, Krım Respublikası və Qara və Azov dənizlərinin sularında 330 Ukrayna PUA-sını vurub".

Kreml hələ də Rusiyanın Ukrayna üzərindəki əsas üstünlüyünün canlı qüvvə baxımından say üstünlüyü olduğunu düşünür. Amma Ukraynanın bütün cəbhə boyunca taktiki dronlar sahəsində qazandığı üstünlük və ortamənzilli zərbə kampaniyası bunu neytrallaşdırıb. ABŞ-nin Müharibə Araşdırmaları İnstitutu (ISW) məlumat yayıb.

Rusiya Federasiyasının xarici işlər nazirinin müavini Mixail Qaluzin Böyük Britaniya, Fransa və Almaniyanın Rusiyadakı fövqəladə və səlahiyyətli səfirləri N.Keysi, N.Rivyer və A.Lambsdorffu onların xahişi ilə qəbul edib. Rusiya XİN məlumat yayıb.

Bildirilib ki, görüşdə diplomatik nümayəndəliklərin rəhbərlərinə Ukrayna böhranı ilə bağlı ölkələrinin rəhbərliyinin dağıdıcı siyasətinin obyektiv qiymətləndirilməsi təqdim edilib.

Qeyd olunub ki, səfirlərə Rusiya tərəfinin Ukrayna münaqişəsinin köklü səbəblərini aradan qaldırmaqla ona siyasi və diplomatik həll yolu tapmaq üçün prinsipial yanaşmaları izah edilib. //Musavat.com