İraqda İran dəstəkli silahlı qruplaşmalar İordaniyada bir sıra aviabazalara hücum edib.

Kainat.tv xəbər verir ki, sözügedən qrupların nəzarətində olan “Saberin” xəbər saytının məlumatına görə, İordaniyada bir neçə aviabaza və bir hava limanına hücumlar təşkil edilib.

İranın Səudiyyə Ərəbistanının Şahzadə Sultan aviabazasına hücumunda 12 ABŞ əsgəri yaralanıb.

BBC-nin xəbərinə görə, xəsarət alanlardan ikisinin vəziyyəti çox ağırdır.

Bazaya həm raket, həm də dronlarla hücum edilib. Bazada olan iki ədəd KC-135 yanacaqdoldurma təyyarəsinə də ciddi ziyan dəydiyi bildirilib.

Pentaqon və ABŞ Mərkəzi Komandanlığı bu xəbərə hələlik şərh verməyib. //Musavat.com