İran adalarına qarşı hərbi əməliyyatlar başlanarsa və ya münaqişə başqa cür məcra alarsa, Tehran digər cəbhə aça və ya Babül-Məndəb boğazı üçün real təhlükə yarada bilər.

Kainat.tv Publika.az-a istinadən xəbər verir ki, bu barədə İranın hərbi mənbəyi "Tasnim" xəbər agentliyinə bildirib.

Onun sözlərinə görə, Babül-Məndəb boğazı dünyanın strateji boğazlarından biri hesab olunur və İran ona çox real təhlükə yaratmaq qabiliyyətinə malikdir.

"Əgər amerikalılar axmaq addımlarla Hörmüz boğazı probleminə həll yolu tapmaq istəyirlərsə, ehtiyatlı olmalıdırlar ki, öz problemlərinə və çətin vəziyyətlərinə daha bir boğaz əlavə etməsinlər", - deyə mənbə qeyd edib.