ABŞ-ın 82-ci hava-desant diviziyasının komandanlığı Yaxın Şərqdə yerləşdirilmə barədə əmr alıb.

Kainat.tv Publika.az-a istinadən xəbər verir ki, bu məlumatı "Fox News" telekanalının jurnalisti Cennifer Qriffin təsdiqləyib.

Bu barədə həmçinin "Axios"un müxbiri Barak Ravid də məlumat verib. Onun sözlərinə görə, diviziyaya bir neçə min hərbçidən ibarət piyada briqadası ilə birlikdə regionda yerləşmək göstərişi verilib.

Qriffin qeyd edib ki, 82-ci diviziya İran ərazisində müxtəlif əməliyyatlar üçün istifadə edilə bilər.

Bundan əvvəl Pentaqonun İrana qarşı hərbi əməliyyatda desant qüvvələrindən istifadə imkanlarını araşdırdığı bildirilirdi. 82-ci hava-desant diviziyasının bölmələri Xark adasının ələ keçirilməsi üçün cəlb edilə bilər.