İranda Novruz bayramı ərəfəsində qeyd olunan qədim Suri (od çərşənbəsi) mərasimləri bu il bəzi yerlərdə etiraz aksiyaları ilə müşayiət olunub.

Kainat.tv KONKRET.az-a istinadən xəbər verir ki, sosial şəbəkələrdə yayılan görüntülərə əsasən, bəzi vətəndaşlar bayram tonqallarında İran İslam Respublikasının bayraqlarını yandırıblar.

Paylaşılan videolarda iştirakçıların hakimiyyətə qarşı şüarlar səsləndirdiyi də görünür.

İranlı istifadəçilər sosial mediada yaydıqları paylaşımlarda ölkə rəhbərliyini “legitimliyini itirmiş terrorçu hakimiyyət” kimi xarakterizə ediblər.

Qeyd edək ki, Çaharşənbə-Suri İran və region ölkələrində yazın gəlişini simvolizə edən ənənəvi bayramlardan biridir. Bu gün insanlar tonqal qalayaraq onun üzərindən tullanır, köhnə ilin çətinliklərindən qurtulub yeni ilə təmiz başlanğıc etməyi simvolizə edirlər.

Hazırda yayılan görüntülərlə bağlı rəsmi qurumlar tərəfindən açıqlama verilməyib.