Tehran yalnız bir sıra şərtlər yerinə yetirildiyi təqdirdə danışıqlara qayıtmağa hazırdır.

Kainat.tv Publika.az-a istinadən xəbər verir ki, bunu İranın Çindəki səfiri Əbdülrza Rəhmani-Fəzli bildirib.

Diplomat deyib ki, ilk addım ABŞ və İsrailin hərbi əməliyyatlarını dərhal dayandırmaqdır. İkinci mərhələ danışıqlar masasına qayıtmaq olmalıdır və onun sözlərinə görə, bu, aparıcı güclərin və BMT Təhlükəsizlik Şurasının müdaxiləsi olmadan mümkün deyil.

Diplomat vurğulayıb ki, "dialoq zamanı gələcək təcavüz aktlarının olmamasına dair məcburi və sarsılmaz zəmanətlər vacibdir".

O, üçüncü şərti birtərəfliliyə qarşı çıxmaq və çoxtərəfliliyi təşviq etmək üçün bütün ölkələrin birləşməsi adlandırıb.

"Yuxarıda göstərilən prinsiplərə tam hörmət edilərsə və tətbiq olunarsa, müvafiq dialoqu bərpa etməyə hazırıq", - deyə səfir bildirib.