Kainat.tv Musavat.com-a istinadən xəbər verir ki, 4 noyabr 2024-cü il tarixindən etibarən ANEWZ beynəlxalq televiziya kanalı fəaliyyətə başlayır. Qlobal xəbər və analitika sahəsində alternativ baxış təqdim edən ANEWZ, həftənin 7 günü, 24 saatlıq yayım formatında dünyaya Qafqaz, Mərkəzi Asiya və Yaxın Şərq regionunun səsini çatdıracaq. İndiyədək beynəlxalq media platformalarında az eşidilən və fərqli yanaşmalarla təqdim olunan mövzular Bakıdan dünyanın 110-dan çox ölkəsinə yayımlanacaq.

Kanalın təmsilçiləri arasında Böyük Britaniya, ABŞ, İspaniya, Portuqaliya, Ukrayna, Türkiyə, İordaniya, Nigeriya, Zambiya və digər ölkələrdən jurnalistika sahəsində geniş təcrübəyə malik peşəkarlar var. ANEWZ həm peyk, həm rəqəmsal, həm də sosial media platformaları vasitəsilə izləyicilərə çatdırılacaq.

Kanalın məqsədi yalnız qlobal xəbər və analitika sahəsində fərqli bir platforma yaratmaqla məhdudlaşmır; eyni zamanda Azərbaycanda ingilisdilli jurnalistikanın inkişafına da töhfə verməkdir. ANEWZ yüksək jurnalistika standartlarını, beynəlxalq və yerli istedadları bir araya gətirərək media məkanında yeni və səs-küylü addım atır.

Daha ətraflı məlumat üçün:

www.anewz.tv
Instagram: @anewz.tv
X Platforması: @anewz_tv
LinkedIn: ANEWZ
Facebook: ANEWZ
YouTube: ANEWZ TV