ABŞ Prezidenti Donald Trampın Yaxın Şərqə səfərləri çərçivəsində Türkiyəyə də səfər edəcək.

Kainat.tv xəbər verir ki, bu barədə "CNN Türk"ün ABŞ təmsilçisi Yunus Paksoy məlumat verib.

"Donald Tramp Yaxın Şərq səfəri çərçivəsində Türkiyəni də ziyarət etməyi planlaşdırır. Tramp dəqiq bir tarix vermədi, lakin may ayının ilk yarısında olması gözlənilir. İlk səfərini Səudiyyə Ərəbistanına edəcək” , - Paskoy qeyd edib.

Xatırladaq ki, ABŞ Prezidenti Donald Tramp, son günlərdə İsrail Baş naziri Benyamin Netanyahu ilə keçirdiyi görüşün ardından kamera qarşısına çıxaraq, Türkiyə Prezidenti Rəcəb Tayyib Ərdoğanla münasibətlərini yüksək qiymətləndirib.

"Mənim Ərdoğanla gözəl münasibətim var. Mən onu sevirəm, o, məni sevir və bu, medianı dəli edir.

O, həqiqətən sərt və çox ağıllı adamdır. Ərdoğan 2000 ildir heç kimin bacarmadığını bacardı. Onun haqqını vermək lazımdır", - Tramp Ərdoğan haqqında danışarkən deyib", - Tramp bəyan edib. //Publika.az