Fondun araşdırmalarına görə, Makronun “qaranlıqlar şahzadəsi” kimi tanınan sağ qolu Aleksandr Benallanın rəhbərlik etdiyi sui-qəsd qrupu Azərbaycana və Çada göndərilib. Fransa bundan öncə də Bakıya xüsusi xidmət agentləri göndərmişdi. Hətta onlardan bəziləri jurnalist kimliyi ilə ölkəyə daxil olmuşdu.
Makronun bu addımının məqsədi nədir? Bakıda kimlər hədəfə alına bilər?
Kainat.tv xəbər verir ki, Globalinfo.az-a danışan politoloq Aytən Qurbanova deyib ki, Fransa Prezidenti Emmanuel Makron artıq məntiqi düşüncə qabiliyyətini tamamilə itirərək isterik çıxışlarla “dünya ağalığı” iddiasında olan obraza çevrilib:
“Ona görə də Makronun nə ölkə daxilində, nə də xarici siyasətdə atdığı addımların heç biri rasional düşüncə əsasında izah edilə bilməz. Hətta proseslər o həddə çatıb ki, Fransa liderinin şəxsi direktivləri əsasında fəaliyyət göstərən “ölüm qrupu” adlanan cinayətkar dəstənin yaradıldığı iddia edilir. Belə ki, bu qrup artıq onun bir çox qaranlıq əməllərinin birbaşa icraçısı olub.
Aytən Qurbanova
Son günlərdə Makronun cinayətkar simasını təmsil edən bu qrupun gizli şəkildə Azərbaycana göndərildiyi iddia edilir. Təbii ki, əgər belə bir hal varsa, Azərbaycan Respublikasının xüsusi xidmət orqanları lazımi məqamda bütün zəruri tədbirləri görərək onları zərərsizləşdirəcək. Amma bu iddialar bir daha Makronun riyakar simasını və məkrli niyyətlərini ifşa edən faktlar olaraq nəzərdən keçirilməlidir”.
