“Paşinyan iddia edir ki, Azərbaycan konflikti öz ərazisindən Ermənistan ərazisinə keçirmək niyyətindədir”.

Kainat.tv Globalinfo.az-a istinadən xəbər verir ki, bunu Azərbaycanın sabiq xarici işlər naziri, politoloq Tofiq Zülfüqarov Teleqraf-a deyib.

O bildirib ki, keçmiş Qarabağ münaqişəsi bölgəni idarə etmək üçün bir vasitə idi:

“Bu isə Azərbaycan ərazisində baş verirdi. İndi isə Azərbaycan müzakirə zonasını sərhəddə və Zəngəzura keçirib. Hazırda Qarabağı 5 nəfər yada salırsa, 15 nəfər də Zəngəzurdan danışır. İrəvan də indi bunu özü üçün təhlükə hesab edir. Azərbaycanın isə bu məsələdə mövqeyi çox sadədədir.

Məntiq də elə bundadır. Əgər kənar qüvvələr bölgədə münaqişənin bitməsini, sülhün olmasını istəmirsə, bu proses Ermənistan ərazisində olmalıdır. Bu çox sadə bir yanaşmadır. Bəziləri Azərbaycanın siyasi, diplomatik sahədə hücuma keçməməsini iddia edirdi. Amma zaman bir daha göstərdi ki, ən yaxşı müdafiə hücumdur. Paşinyan da deyəsən bunu anlamağa çalışır”.