ABŞ Prezidentinin xüsusi elçisi Stiven Uitkoff ABŞ-ın müəyyən şərtlər altında İrana qarşı hərbi əməliyyatlara başlaya biləcəyini etiraf edib.

Kainat.tv xəbər verir ki, o, bu barədə "Fox News"a müsahibəsində danışıb.

"Donald Tramp hesab edir ki, İran nüvə bombasına malik olmamalıdır.

Bütün məsələləri hərbi yolla həll etməyə ehtiyac yoxdur, lakin bu o demək deyil ki, əgər bizi müəyyən həddə çatdırsalar, döyüş əməliyyatlarına əl atmayacağıq", - Uitkoff bildirib.

Martın 23-də ABŞ liderinin komandasının digər üzvü, milli təhlükəsizlik üzrə müşaviri Mayk Vals deyib ki, İran nüvə proqramından əl çəkməlidir, əks halda “nəticələr olacaq”. O qeyd edib ki, keçmiş prezidentlər Co Bayden və Barak Obama administrasiyaları dövründə mövcud olan “sən mənə verirsən, mən sənə verirəm” prinsipi hazırda tətbiq olunmur və ABŞ İranı nüvə proqramından tamamilə imtina etdirmək niyyətindədir.

Qeyd edib ki, bundan əvvəl İran nüvə sazişini yeniləməkdən imtina edib. //Publika.az