Dünyanın ən məşhur mesajlaşma tətbiqi olan "WhatsApp" istifadəçi təcrübəsini daha da yaxşılaşdırmaq üçün yeni bir funksiya üzərində çalışır.

Kainat.tv xəbər verir ki, bu yenilik istifadəçilərə digər tətbiqlərdən gələn mesajlaşma sorğularını qəbul etmək və ya rədd etmək imkanı verəcək.

"WhatsApp" 2009-cu ildə yaradılandan bəri istifadəçilərinin sayı sürətlə artaraq 2 milyardı keçib. Tətbiq indi daha da inkişaf etmək və istifadəçilərinin təhlükəsizliyini təmin etmək üçün yeni funksiyalar əlavə edir. Bu yeni seçim sayəsində istifadəçilər xarici platformalardan gələn bildirişləri idarə edə biləcək və beləliklə, əlaqələri üzərində daha çox nəzarətə sahib olacaqlar.

Hazırda bu funksiya Avropadakı bəzi istifadəçilər arasında sınaqdan keçirilir. Mütəxəssislər qeyd ediblər ki, istifadəçilər bu seçimi istədikləri zaman tənzimləyə biləcəklər. Yaxın gələcəkdə Android cihazları üçün "WhatsApp"ın yeni versiyasında bu özəlliyin mövcud olacağı gözlənilir. Bu addım "WhatsApp"ın istifadəçi məmnuniyyətinə verdiyi önəmin və daim inkişaf etmək əzminin göstəricisidir. //Referans.az