Son günlər sosial şəbəkələrdə yeni şantaj metodu yayılıb. Belə ki, qadınlar həmcinslərinə tövsiyə edir ki, həyat yoldaşının (ərinin) xəyanət etdiyini bildikdə səbirli olsunlar, həmin an ona bildirməsinlər. Daha sonra saxta hesabdan ona yazıb xəyanət etdiyindən xəbərdar olduğunu desinlər və bunu həyat yoldaşına (arvadına) deməməsi üçün pul tələb etsinlər. İddia edirlər ki, beləliklə, qadın ərindən intiqam almış olacaq. 

Bəs bunu edən şəxsləri qanunla hansı cəza gözləyir?

 Kainat.tv Sfera.az-a istinadın məlumat verir ki Mövzu ilə bağlı Sfera.az-a açıqlama verən vəkil Turan Abdullazadə bildirib ki, xəyanət edən həyat yoldaşını hədələyərək pul tələb etmək qanunla qadağandır və belə hallar cinayət məsuliyyəti yaradır: 


“Hədə-qorxu ilə tələb etmə cinayəti formal tərkibli cinayətdir və hədənin edildiyi andan başa çatmış hesab olunur. Rüsvayedici məlumatların yayılması hədəsi ilə kimdənsə pul və ya əmlak tələb etmək cinayət tərkibi yaradacaq və məsuliyyətə səbəb olacaq. Hətta yoldaşı şikayətini geri götürsə belə, bu cinayətlə bağlı cinayət təqibi, ictimai ittiham qaydasının da aparıldığı üçün yoldaşının şikayətini geri götürməyinin heç bir əhəmiyyəti olmayacaq. Belə ki, dövlət bu cinayətə görə sizdən əl çəkməyəcək. Ona görə də bu kimi hərəkətə cəhd göstərilməməlidir, nəticəsi ağır ola bilər. Belə ki, hədə-qorxu ilə tələb etmə cinayətinə görə, 3 ildən 5 ilədək azadlıqdan məhrumetmə cəzası nəzərdə tutulub”.

Firuzə Əliyeva