ABŞ prezidenti Donald Trampın İranla bağlı sərt açıqlamalarından bir neçə saat sonra Vaşinqton administrasiyası Cenevrəyə mümkün səfər və diplomatik görüşlər üçün hazırlıqlara başlayıb.

Kainat.tv Musavat.com-a istinadən xəbər verir ki, bu barədə “Axios” nəşri məlumat yayıb.

Məlumata əsasən, ABŞ-nin vitse-prezidenti Cey Di Vensin Cenevrəyə ehtimal olunan səfəri üçün lazım olan avadanlıqları daşımaq məqsədilə Avropaya ABŞ Hərbi Hava Qüvvələrinə məxsus dörd C-17 nəqliyyat təyyarəsi göndərilib.

Nəşr bildirir ki, bu addım ABŞ və İran arasında mümkün razılaşmanın imzalanması üçün hazırlıq mərhələsi kimi qiymətləndirilir və sənədin yaxın günlərdə rəsmiləşdirilə biləcəyi ehtimal olunur.