Amerika Birləşmiş Ştatları İranla müharibəyə son qoymaq barədə razılığa gəlib.

Kainat.tv Publika.az-a istinadən xəbər verir ki, bu barədə jurnalistlərə açıqlamasında ABŞ Prezidenti Donald Tramp məlumat verib.

"Biz İranla müharibənin dayandırılması ilə bağlı mükəmməl razılaşmalar əldə etmişik", - deyə ABŞ dövlət başçısı bildirib.

Tramp hələlik sənədlərin imzalanmalı olduğunu vurğulayıb. Onun sözlərinə görə, ölkələr hərbi əməliyyatların dayandırılmasına dair razılaşmaları qarşıdan gələn həftəsonu bağlaya bilərlər.

Xatırladaq ki, ABŞ rəhbəri daha əvvəl İranla sülh sazişinin yekun bəndlərinin Vaşinqton, İsrail və digər iştirakçı tərəflər tərəfindən razılaşdırıldığını bəyan etmişdi. Siyasətçinin qeyd etdiyi kimi, o, İrana qarşı planlaşdırılan bombardmanı ləğv etmək qərarına gəlib, çünki İslam Respublikası ilə danışıqlar İran rəhbərliyinin ən yüksək səviyyəsinə çatdırılıb və təsdiqlənib.