“İran dost ölkələr, o cümlədən Rusiya və Çin üçün Hörmüz boğazını açıq saxlayacaq”.

Kainat.tv Globalinfo.az-a istinadən xəbər verir ki, bunu İranın Tokiodakı səfiri Peyman Səadət “TASS”a açıqlamasında deyib.

“Düşmən gəmiləri Hörmüz boğazından keçə bilməz, boğaz onlar üçün bağlıdır. Digər gəmilər isə hərəkətlərini bizimlə koordinasiya etməlidir”, – səfir qeyd edib.

O  bildirib ki, terror aktlarından sonra İran təhlükəsizlik səbəbilə Hörmüz boğazını bağlayıb:

“İran İslam Respublikasının təhlükəsizliyinə qarşı real təhdid məhz bu istiqamətdən gəlib”.

Bundan əvvəl İranın İslam İnqilabı Keşikçiləri Korpusunun (SEPAH) Hərbi Dəniz Qüvvələri bəyan etmişdi ki, Hörmüz boğazına yaxınlaşan hər hansı gəmi “düşmənlə əməkdaşlıq” kimi qiymətləndiriləcək. Buna görə də gəmilərə limanlarda qalmaq tövsiyə olunub.

İyunun 11-nə keçən gecə İran bütün gəmilər, o cümlədən neft tankerləri və ticarət gəmiləri üçün Hörmüz boğazının bağlandığını elan edib. İran ordusunun “Xatəm əl-Ənbiya” Mərkəzi Qərargahının bəyanatında boğazdan keçməyə cəhd edən hər hansı gəminin hədəfə alınacağı bildirilib.

Hərbçilər bu qərarı ABŞ-ın İranın cənubundakı Hörmüzqan əyalətinə endirdiyi zərbələr və Vaşinqtonun “davam edən təcavüzkar hərəkətləri” ilə əlaqələndiriblər.